I was born and grow up in this place my mother build the wall around the house after every body left the house’

අපේ ගෙදර.

කුකුල් පැටවු නව දෙනෙක් මහ සත්තු  තෙක් සෙවන දුන්නු තැන.

“මම ඉපදුනේ හැදුනේ වැඩුනේ මේ තැන. හැමෝම ගෙදරින් ගියාට පස්සේ මගේ අම්මා ගේ වටේ තාප්පය හදනවා.”

අපේ එක පැටියෙක් කියනවා මෙහෙම.

ඇත්ත.

අපි ඔක්කොම නිදහසේ වැඩෙන්න අපේ අම්මා අත දුන්නා.

තාත්තා කලේ අම්මට උදව් වෙන එක.

කන්න බොන්න අදින්න පලදින්න ඉගන ගන්න ඕනෑ එපාකම් සම්පූර්න කරන එක.

අම්මා ඒ සියල්ල කළමණාකරනය කලා.

ලොකු මහත් වෙලා එකින් එකා ගෙදරින් එළියට……….

ලෝකයට පියමන් කරන්න පටන් ගත්තා.

තාත්තා අපිත් එක්ක අවුරුදු 88 ක් ඉදලා සමුගත්තා.

අම්මා ගෙදර තනිවුනා.

අම්මා ගේ වටේ තිබුන තාප්පේ මැද ……..

සුපුරුදු අධිරාජ්‍යයයේ රැජින 

මීට වසර කිහිපයක් වන තෙක්ම………… 

අද පොසොන් පෝය දවස.

සදුදා දවසක පෝය නිවාඩුව ලැබුන නිසා එක දිගට දවස් තුනක නිවාඩුවක්.

ආයතනික රාමුවලට කොටු වෙලා ඉන්න අයට එහෙම වුනාට අපිට එහෙම නෑ.

ඕන දවසක නිවාඩු ගන්න පුළුවන්.

පොසොන් පෝයට අනුරාධපුරේ මිහින්තලේ පැත්තට යන අය වැඩියි.

ඒ දවස්වලට ඒ පැත්ත ජනාකීර්ණ වෙනවා.

පොසොන් එකට මම ඇඹිලිපිටිය පැත්තට ගියා.

මග දිගට දන්සැල්…

ඒ නිසා කන බොන දේවල් වලින් අඩුවක් නැහැ.

මුලින්ම ගියේ සංඛපාල රජ මහා විහාරයට.

ඇසල පෝයට උත්සවශ්‍රීෙයන් ජනාකීර්න වන සංඛපාල රජ මහා විහාරය කතරගම පැත්තට යන වන්දනා නඩවලින් පිරිලා.

සංඛපාල රජ මහා විහාරයට අයත් නින්දගමේ භුමි ප්‍රමානය අක්කර 13000 ක් !.

උතුරෙන් පනහඩුව , රෙමෙනිපොත යන ගම්මාන දකුණට රක්වාන ගග ,බටහිරින් පල්ලේබැද්ද කුඹුක්කන් ආර, නැගණහිරෙන් බැලවානගල ද මේ වපසරිය සීමා කරනවා.

හතරමායිම් මොටද වැද පුදා ගත්ත ආවනම් කියලා අහන්න කවුරුත් නැති කොට මේ නින්දගම ලැබුනේ කොහොමද කියලා මම පත පොත පෙරලන්න හිතුවා .

ඒකටත් පෝය ගෙවෙන්න එපාය ?.

ක්‍රී.ව. 1782 දී මහනුවර යුගයේ රාජාධිරාජසිංහ රජ සමයේ කරතොට ධම්මාරාම හාමුදුරුවෝ “ බාරස “ කියලා කාව්‍ය නිර්මාණයක් කරනවා.

මේ කාව්‍ය නිර්මාණය රජතුමා ඔප්පු කරන කරතොට හාමුදුරුවන් කෙරෙහි පැහැදෙන එතුමා සිංහල සාහිත්‍යයට කරන ලද සුවිශාල මෙහෙවරක් කොට සලකා මේ නින්දගම පවරා දෙනවා.

දැන් කාලේ හැටියට නම් අල්ලස් හා දුෂණ කොමිසමට රාජකාරියක්. රජතුමා බලය අත්හැරලා තිබෙන්නත් එපාය ?.

තවත් අතීත කතාවක් තියෙනවා.

ඇඹිලිපිටිය ප්‍රෙද්ශය ගැන  කාවන්තිස්ස රජතුමා බැහැර කර කතා කරන්න බැහැ.

ඵුස්සදේව දසමහා යෝධයින්ගෙන් කෙනෙක්.

එළාර - දුටුගැමුණු යුද්ධයෙන් පස්සේ සේනාධිනායකයින්ට කරන ලද සේවය අගයීමක් වශයෙන් නොයෙක් වරප්‍රසාද ලබා දීලා තියෙනවා.

ඵුස්සදේව විශාල ශබ්දයක් නැගෙන, විශාල පරාසයකට ඇසෙන  පරිදි සක්ගෙඩි පිඹීමට දක්ෂයෙක්. 

ඔහුට කියනවා සක්හඩ පැතිරෙන ප්‍රෙද්ශය ඔබට නින්දගම් කොට පවරනවා කියලා .

ඵුස්සදේව සංඛපාල කදුවැටියේ උස්ම කදුමුදුනට නැග 

ශබ්දනගා සක්හඩ නංවනවා.

ඒ භුමි ප්‍රෙද්ශය ඵුස්සදේවට හිමිවෙනවා.

පසුකාලයක පැවදිව මේ නින්දගමේම වාසය කල බව සදහන්.

උන්වහන්සේ අපවත්ව භෂ්මාවශේෂ තැන්පත් කල ස්ථානය අපට දකින්නට හැකියි.

මේ සැරිසරත් සමග ඉරත් අවරට යන්න සූදානම්.

කාලය ගෙවෙනවා.

සේන බටගොඩ මෙහෙම කියනවා…

අපි කවුරුද ?.........

සී සී කඩ විසිරුන සිතිවිලි

දිය බුබුලේ නලියන පෙන කැටි වාගේ

නැතිව     

හුදකලාවේ තනිවී සිටියම

සිහින ආකරේක වැටුනා වාගේයි

නිමක් නෑ

මොහොතින් මොහොතට ගෙවෙනා යන කාලය

දැනෙනවා කාටා…..ත් එක විදියට ……….

මේ 2026 මැයි මාසේ.

පසුගිය දවස් කිහිපයක අනුරාධපුරයේ. අපිට නුහුරු ඉර …..

ගිණියම් ඉර…

පොලොවේ අඩිය තියන්න බෑ ..

ඒ මදිවට පූජා නගරයට පාවහන් හිස් වැසුම් අකැපයි !!.

ගිණියම් ඉර බහිනවා

ඩිංගෙන් ඩිංග සිසිලස දැනෙනවා. වැස්ස පටන් අරන් සිසිලසේ පූජා නගරයේ ඇවිදින්න යන සිහිනය බොද වෙනවා.

ගිණියම් ඉර

සද සිසිලස

අතරේ හොයනවා හොයනවා

අපි කවුරුද  ?

ගී යකි ලොව 

සිතුවම් කල

අතරේ අහනවා බලනවා 

මේ අපි කවුරු ද  ?

අපිව අදුරා ගන්න බැහැ …………….අපිව කියවා ගන්න බැහැ.

අපි අතරමං වෙලා.

ඉර බැස යන ගොම්මන් යාමේ 

තරු එක දෙක දිලිසෙන කළු  ආකාසේ 

ඇහෙනා රිද්මේ නැහැවී

ඇදී යන්නේ ඈතින් ඇතට පාවි.

සුවද සේ

මෙහොතින් මොහොතට ගෙවෙනා කාලය

දැනෙනවා කාටා.....ත් එක විදියට

මම ඉන්නේ මහා සෙනගක් මැදය.

සෙනගත් සමග ප්‍රභූන් පිරිසක් සිටී. 

ඔවුනද මා සමගය.

මගේ ලොකු මුණුපුරා වීඩියෝ කැමරාවක් ගෙන ක්‍රීඩාපිටියක රැස්ව සිටින ක්‍රීඩකයන් පිරිසක් රූපගත කරයි.

මේ අතරින් මගේ අම්මා මා ලගට එයි.

රෙද්දක් හැට්ටයක් ඇදි ඇගේ මුහුණ විඩා බරය .

අපේ නිවසත් මා සිටි ස්ථානයත් අතර දුර කිමි දෙකක් පමණවේ.

ඈ හිස් වතුර කලක් රැගෙන සිටී.

මා පිරිස අතරින් දුව ගොස් කළය අතට ගනිමි.

අම්මා පැමිණ ඇත්තේ නිවසට වතුර ගෙන යාමටයි.

මෙතරම් දුරක් ? .

එතන සිටි ප්‍රභුවරයෙක් මගෙන් ප්‍රශ්න කරයි .

ඔව්. ගෙදරට නල ජලය සපයා තිබේ . ඒත් අපේ අම්මාට ඒ ජලය පිරිසිදු නැත.

අම්මා දුර ගෙවා උල්පතකින් උනන ජලය ගෙනයාමට පැමිනෙයි.

මම පවසමි.

කලය මගේ අතට ගන්නා මම අම්මාට නිවසට යන ලෙසත් මම වතුර ගෙන එන බවත් පවසමි.

මේ මහා සෙනග මැද අම්මා මට කලය දී අතුරුදහන් වේ. - ඈ යලිත් නිවසට යන්න ඇතැයි මගේ උපකල්පනයයි.

මම කලයත් ගෙන අම්මා දිය රැස් කරන දිය උල්පත වෙත යමි.

ඒ අතර කලයේ ඇතුලතට අත දමන මට කොහොඹ අතු අහුරක් බැද දැමු අතු මිටියක් අත ගැසේ.

ඒවා දියේ තිබිමෙන් දුර්වර්ණව ඇත.

මම ඒ අතුමිටිය ඉවත දමා මහ සෙනග මැදින් යමි.

යන අතර මට සිහිපත් වෙන්නේ මේ සෙනගත් නිවසට ඇති දුරත් අතර ජනාකීර්ණ මාවතක මේ කලයත් ඔසවා ගෙන යා යුතු බවයි.

මම සිතිවිලි ගැට ගසමින් උල්පත දෙසට යමි.

ඒ අතර නිවසට සමීප වෙනත් ජල උල්පත් ගැන විමසිලිමත් වෙමි.

මම අවදි වෙමි.

සිරුරට ඇත්තේ මහත් විඩාවකි.

අම්මා මා අතට දුන් කලය පුරවා ගෙන  ඈ වෙත  යා යුතුය……

අම්මා අනිවාර්යෙන්ම බලා ගෙන ඉදී.

මුදල් අමාත්‍යාංශයේ ලේකම් ගේ නිවස ඉදිරිපිට ට විත් සුගීස්වර බණ්ඩාර උද්ඝෝෂණය කරනවා.

හේතුව ? .

ඩොලර් මිලියන 2.5 ක් ඔස්ට්‍රේලියාණු හැකර්ලා අතට පත්වීම.

සුගීස්වර දේශපාලන එකමුතුවක නියෝජිතයෙක්.

උද්ඝෝෂණය කරන්නේ මහජන බදු මුදල් ඩොලර් 2.5 ක් අවභාවිතාවීම සම්බන්ධයෙන්.

මේ සම්බන්ධව විමර්ෂණ පවත්වනවා කියනවා.

ආපහු ලබා ගන්නවා කියලත් කියනවා අධිභාරයක් සමග. එහෙම නම් ලාභදායි ගණුදෙනුවක්.

සුගීස්වර බණ්ඩාරට මේක නිරවුල් කරගන්නකම් ඉවසා ගෙනඉන්න බැරිකමටයි උද්ඝෝෂණ කරන්නේ ! .

ලේකම්ගේ ගේ තියෙන ගමේ පිරිසක් ඇවිත් සුගීස්වර බණ්ඩාර ප්‍රමුඛ පිරිසට අපද්‍රව්‍ය පිරි භාජන වලින් ගගහලා නාවලා පළවා හරිනවා.

වොයිස් කට් දෛනවා.

පොලිසිය බලා ඉන්නවා.- සාමය ආරක්ෂා කරමින්.

සාමකාමි උද්ඝොෂණය කිරීම ප්‍රජාතන්ත්‍රවාදී අයිතියක්.

පසුගිය අවුරුදු 74 ක් තිස්සේත් උද්ඝෝෂණ වර්ජණ තිබුනා.

මිනිස්සු ඒවට මුහුණ දීලා මැරිලත් තියෙනවා.

දැන් උද්ඝෝෂණ වර්ජණ කරන එක අකැපද ?.

මේක නරක පූර්වාදර්ශයක් !.

අරගල සමයේ ප්‍රාදේශීය මට්ටමෙන් අලාභ හාණි සිදුකිරීම් වුනා.

දැන් ගමේ කොට්ඨාශ සභා තියෙනවා. මේවයේ රාජ්‍ය පාක්ෂිකයෝ තමයි නියමුවෝ.

අවශ්‍ය වුනොත් එයාලට නීතියක් නෑ කියල ද ? මේ අනතුරු අගවන්නේ.

මේවගෙන් වෙන්නෙ ආණ්ඩුව ගෙදර යාම ඉක්මන් වෙනවා.

ගමේ ඉන්න ජවිපෙ මිනිහා බයෙන් ජීවත් වෙනවා.

අරගලේ කාලෙ කරපු විනාසය තමන්ටත් කැරකේවි කියන බයෙන්.

මේක නරක වගේම භායනක පූර්වාදර්ශයක් !.