උඹෙනුත් කැකුළු හාල් ඉල්ලුවද

*උඹත් මාලිමාව රට හදයි කියල අවංකවම ඡන්දය දීපු හෝ ඒ වෙනුවෙන් වැඩ කරපු එකෙක් ද?
මේ ටික මතක තියාගෙන ගැම්මෙන් ඉදහල්ල.
ගෝඨබය කියල එකෙක් ගෙනල්ලා රතිඤ්ඤා පත්තුකරල ,කිරිබත් කාල
පොහොර ⁣ටික නැති කලා උඹ උන්ගෙ ගොට්ටන්ගෙන් පොහොර ඉල්ලුවද
රට බංකොලොත් කරල තෙල් නැතිව වාහනෙ තෙල්පෝලිමේ තියල, කොල අතු ,ඉටිරෙදි වලින් වහල පයින් ඇවිත් ආයෙ පයින් ගිහින් දුක් වින්ද උඹ උන්ගෙන් තෙල් ඉල්ලුවද?
කරන්ට් එක නැතිව බැටරියකට වයර් අමුනගෙන දරුවො පාඩම් කෙරෙව්වා උඹ උන්ගෙන් කරන්ට් එක ඉල්ලුවද?
ගෑස් නැති උනා,හැම භාන්ඩයක්ම එකට තුන්ගුනයකින් මිල වැඩි කලා( උදා- රුපියල් 5ට තිබ්බ ගිණි පෙට්ටිය 20 කලා,රුපියල් 900ට තිබ්බ සිමෙන්ති කොට්ටෙ 3200 කලා,රුපියල් 50,60 තිබ්බ සබන් කැටේ 145 කලා
රුපියල් 10ට තිබ්බ පෑන රුපියල් 50 කලා)
කොටින්ම කියවවනම් pulsar ,Fz පැදපු එකා ct100 පදින තැනට දැම්ම
ගෝල්ඩ්ලිෆ් එක බීපු එකා බීඩියට දැම්ම ,, වඩුවැඩ කරපු එකා මේසන් වැඩ කරපු එකා වැඩ නැතිව හූල්ලමින් හිටිය
උඹල මේව උන්ගෙන් ඉල්ලුවද ? නෑනෙ ,නෑනෙ 

එහෙනම් රෙද්දටද කෙලවලා දීපු රටක් මාස තුනක ආන්ඩුවෙන් සියල්ල අංගසම්පූර්ණ වෙන්න කියල කින්ඩි දාන්නේ ඇයි කියල ගැම්මෙන් අහපල්ල
කොටින්ම මිනිස්සු කරන්ට්,තෙල් ,ගෑස් නැතිව දුක් විදිද්දි මහ එවුන් උඩින් යමින් රට සවාරි යමින් ,බාල බෙහෙත් ගෙනල්ලා මිනිස්සු මරමින් කටයුතු කරද්දි ඔය කටවල් පූට්ටු වෙලා තිබුනෙ ඇයි කියල අහපල්ල
මේ රටේ බදු බර දරාගන්න බැරිව උගත් මිනිස්සු රට දාල යනකොට, විසඳනව කියල ඇවිත් රනිල් කෑලි කෑලි විකුණල ,ණය ගන්නකොට රනිල් පොර කියල දගලන ලදරු මානසිකත්වය ගැන ඇත්ත කතාව ගැන මොකක්ද කියල ගැම්මෙන් කියල දියල්ල
ගැම්මෙන් , ගැම්මෙන් ඉදපල්ල
........................ ............
*දශක ගානක් හොරා කාපු වලව් හාමුලගෙ කකුල්වලට පෑගිල හිටපු ජනතාව අපේ පංතියේ පොඩි මිනිහෙක් ජනාධිපති කරගත්ත කියල ගැම්මෙන් ඉදහල්ල
ඒ පත්කරපු ජනාධිපති විශාල උත්සව නැතිව,වරප්‍රසාද අඩුකරගෙන සාමාන්‍ය මිනිහෙක් වගෙ රට පාලනය කරන එක ගැන ගැම්මෙන් ඉදහල්ල
* ඡන්දෙ දින්නට පස්සේ වෙනද වගෙ මිනිස්සුන්ට හිංසා නොකර පාරවල්වල කිරිබත් කාල,රතිඤ්ඤා පත්තුකරල පලිගත්තෙ නැති එක ගැන ගැම්මෙන් ඉදහල්ල
* ජනාධිපති ,ඇමතිල තමන්ගේ සනුහරේ අමාත්‍යාංශවලට පුරවගෙන ,රට සවාරි යමින් සංදර්ශන නැති එක ගැන ගැම්මෙන් ඉදහල්ල
* දීර්ඝකාලීන වැඩපිළිවෙළක් යටතේ වැසී තිබූ කර්මාන්ත ශාලා අරම්භ කරමින් දැවැන්ත ආයෝජන රටට ගේන එක ගැන ගැම්මෙන් ඉදහල්ල
බංකොලොත් රට නිල වශයෙන් බංකොලොත් බාවයෙන් මුදා ගත්තෙ අනුරල කියල ගැම්මෙන් ඉදහල්ල
විකුණන්න හදපු ආයතන,සම්පත් බේරගෙන ගොවියත්,දුගියත් වියාපාරික⁣යනුත් බේරගෙන සීරුවට මේ ගහන ගේම දැකල ගැම්මෙන් ඉදහල්ල
දින්නොත් විදෙස් සම්බන්ධතා නැතිවෙනව,ආගම විනාශ කරනව,පෙරහැර නවත්වනව, රට ලේ විලක් වෙනව,ඩොලරය ඉහල යනව,කොටස් වෙළඳපොල කඩා වැටෙනව ,තෙල් නැතිවෙනව,ගෑස් නැතිවෙනව වගේ මඩ ගහපුව බොරු කරපු එක ගැන ගැම්මෙන් ඉදහල්ල
හාල් ඇටේ අල්ලගෙන දගලද්දි බොහෝ භාන්ඩවල ,⁣⁣ බෙහෙත්වල මිල අඩුවීම ගැන ගැම්මෙන් ඉදහල්ල
කුඩු මාධ්‍ය හා ජවාරම්කාර මාධ්‍ය කිහිපයක් (හිරු,දෙරණ ) ආන්ඩුව වට්ටන්න හිතන් කරන ප්‍රචාර පරම සත්‍ය කියල පිලිගන්නෙ නැතිව ඇත්ත දැකල ගැම්මෙන් ඉදහල්ල
කොටින්ම උත්සව පලකට ගියාම සම්බා රයිස් එක කාල එළියට ඇවිත් කැකුළු හාල් ඤැහ් ගාන තක්කඩින්ට විරුද්ධව ගැම්මෙන් ඉදහල්ල
විධායක ජනාධිපති කෙනෙක් ඉන්න 2/3 ආන්ඩුවට සහය දෙන උඹලට ගැම්මෙන් ඉන්න බැරිනම් රටටම කෙලවල පරාද වෙල ගිය හාමුලගෙ හෙන්චයියන්ට කොහොමත් ගැම්මෙන් ඉන්න බෑ කියල තේරුම්ගෙන ගැම්මෙන් ඉදහල්ල
 ⁣ඡන්දය දීපු හා දුන්න වගෙ රගපාපු ,දෙන්න කෙනෙක් නැති නිසා දෙන්නම් වාලෙ ඡන්දෙ දීපු අය තේරුම්ගෙන නොතේරෙන කමට බනින අයට තේරුම්කරල,තක්කඩි කමට අපහාස කරන අයට ගැම්මෙන් උත්තර දීපල්ල
 නිවාස,සුපෝඛබොෝගී වාහන අතඇරල,රට පුරා තියෙන ජනාධිපති මන්ධිර අත ඇරල,රට ඇතුලත ගුවන් ගමන් අත ඇරල ,ආරක්ෂාව අඩුකරගෙන, ඒ විතරක් නෙවෙයි මිලියන ගනන් වැටුප් අතඇරල රට හදන්න ස්වෙච්ඡාවෙන් ( වැටුප්,වරප්‍රසාද නොගෙන) වැඩකරන ලේකම්ල,උපදේශකල දාගෙන මේ රට හදන ගේම තමයි මේ ගහන්නේ කියල ගැම්මෙන් ඉදහල්ල
හොද දේවල් කප්පරක් තියෙද්දී හාල් ඇටේ, බස් ,බයික් කෑලි ගැන කියමින් ආන්ඩුව පෙරලන්න හිතනවනම් ඒව හීන කියල තේරුම්කරල ⁣,මිනිස්සුන්ට පොහොසත් රටක්,ලස්සන ජීවිතයක් හදනවම තමයි කියන ගැම්ම තියාගෙන ගැම්මෙන් ඉදහල්ල .

පුරුදු පොල් සම්බලයක්.

හැම මළ ඉලව්වම දේශපාලනිකයි. පොල් කියන්නෙත් දේශපාලන මාතෘකාවක්. අර අවුරුදු 76 ක් ගැන කියනවනේ. දීර්ඝ කාලීන සැලසුම් තිබිය යුතු දේවලට ඇස්ප්‍රීන් විසදුම් නැහැ. පොල් රුපියල් 1000 /= ට ගියත් අනුර කුමාර දිසානායක ජනාධිපති තුමාට ක්ෂණික විසදුමක් නැහැ නොවැ. විදේශීය ආනයනකින් මිස .

ඒකටත් විනිමය නැහැ.

මුදල් විශුද්ධි කිරීම් නිවරදි කර ගන්නත් තියෙනවා.

අපි පස්සේ කතා කරමු.

පොල් , හාල් ගැන කතා කර කර ඉන්න ගමන්.

මේ පලවෙන්නේ එක අදහසක්. අපි පුලුවන් හැටියට කියවමු.

අනුරාධපුර යුද හමුදා රෝහලේ ඉන්න කොට ඒකේ හිටපු අණදෙන නිලධාරී තුමාට තිබුනා හරි අපූරු පුරුද්දක්. ඒ තමයි වේල් තුනටම පොල් සම්බෝල කන එක. ඉතිං ඔෆිස මෙස් එකේ හැම වේලටම පොල් සම්බෝල වරදින්නේ නෑ. මමත් අලුතින් ගිහින් කාලයක් යන කොට සම්බෝල එපා උනා හැම වේලටම කාලා. දවසක් කුක් ගෙන් ඇහැව්වා මොකද හැම වේලටම සම්බෝල කියලා.

එයා කිව්වා, " සර්, අපේ CO කුරුණෑගල පැත්තෙ කෙනෙක් නේ. එහේ ගෙදර හැමදාම පොල් සම්බෝලයක් කන එක පුරුද්දක් ඒ නිසා ඒ පුරුද්දට මෙහෙත් හැම වේලටම සම්බෝල හදන්න කියලා තියෙන්නේ" කියලා. හ්ම්, ඉතිං ඕක වෙනස් කරන්න බෑනේ. ඉතිං අපිත් සම්බෝලෙට පුරුදු උනා.

එංගලන්තයේ ගත කරපු අවුරුද්ද දෙක තමයි වැඩි පුරම සම්බෝල කෑවේ. විනාඩි දෙකකට අඩු කාලයකින් සම්බෝල හදන්න එහෙදි පුළුවන්. වැඩේ මෙහෙමයි, ගාපු පොල් ෆ්‍රීසර් එකේ දාලා ඉන්දියන් කඩ වල ගන්න තියෙනවා. ඒවා අරගෙන ඇවිත් ෆ්‍රිජ් එකේ දාලා තියෙනවා. සම්බෝල කන්න හිතුන ගමන් ෆ්‍රිජ් එක ඇරිලා, අවශ්‍ය තරම් පොල් අරගෙන පොඩි භාජනේක දාලා විනාඩියක් මයික්‍රෝවේව් එකේ දාලා අයිස් අරිනවා. ඊට පස්සේ අපි ලඟ එහේ තිබුනා අපූරු බ්ලෙන්ඩර් එකක් වගේ උපකරණයක් චොපර් එක කියලා. මේකෙදි තලයට බ්ලෙන්ඩ් වෙන්නේ නෑ නමුත් කුඩාවට කැපෙනවා. මයිකෝවේව් එකේ පොල් වල අයිස් යන කං ලූණු ගෙඩියක් කපලා දාලා, අමු මිරිස්, මිරිස් කුඩු, තක්කලි කෑල්ලක්, ලුනු ගම්මිරිස් පදමට දාලා, දෙහි භාගයක් මිරිකලා ලෑස්ති වෙනවා. ඊට පස්සේ ඉතිං පොල් ටික ඒකට දාලා, උම්බලකඩ දාලා සට පට හාලා චොප් කර ගත්තම සුපිරියට ෆුල් ෆ්‍රෙෂ් පොල් සම්බෝලයක් එනවා. විනාඩි දෙක සම්පූර්ණ වෙනකොට චොපර් එක හෝදලත් තියන්න පුළුවන්.

දැන් ඕකට ඉඟුරු, සුදුලූණු එහෙමත් දාලා පොඩ්ඩක් මොඩිෆයි කර ගන්නත් පුළුවන්. සමහර වෙලාවට හොඳ ගොටු කොළ කීපයක් උනත් මරු. කරපිංචත් හොඳ ඔප්ෂන් එකක්. තිබුණොත් දාලම බලන්න.

දැන් ඉතිං පොල්සම්බෝල කන්නත් එපාලු, පොල් මිරිකල කිරි ගන්නත් එපාලු. සත්තුන්ට කන්න දෙන්නත් හාල් නැතිලු.

පොල් කිරි මිරිකා ගන්නවා වෙනුවට පිටි පැකට් පාවිච්චි කරන්නලු. ඔය ඒ කාලේ එළකිරි බොන එක නවත්වලා පිටි කිරි වලට පුරුදු කෙරෙව්වෙත් ඔහොමලු නේ. කමක් නෑ හැමදාම ලෝකේ එක වගේ තියෙන්නේ නෑ.

හැබැයි සිංගප්පූරුවේ, එංගලන්තයේ ඉන්න කොට පොල් කිරි වෙනුවට තිබුනේ පැකට් කරපු උකු පොල් කිරි එකක්. ඒවා ගොඩක් ආවේ ඉන්දුනීසියාවේන්. ඒක හරිම ලේසියි. රසේ අවුලකුත් නෑ. ඔය දැන් සුපර්මාර්කට් එකේ ෆ්‍රෙෂ් මිල්ක් එනවා වගේ පොල්කිරි. ඒ වැඩේ නිසා ගොඩක් කාලය ඉතුරු වෙනවා.

පොල් සම්බෝල කන එකම රට හැටියට අපේ ආහාර රටාව අපි තියා ගන්න ඕනේ. පොල් තෙලුත් ඒ වගේ. ඒත් කිරි එක නම් උකු කිරි වලට මාරු වෙන්න තියෙනවා නම් මරු. වැඩේ ලේසියි. ඒත් ස්වාභාවික ආහාර රටාවක ඉඳලා processed food culture එකකට මාරු වෙන එක දෙවරක් හිතන්න වෙනවා.

රටේ පොල් හිඟ වෙන්න හදිසියේ අපේ පොල් පරිභෝජන රටාව වෙනස් උනේ නෑ. තාම අපි කන්නේ බොන්නේ ඒ පුරුදු විදියට තමයි. හැබැයි අස්වැන්න අඩු උනා. ඒ වැරදි කෘෂි කාර්මික උපක්‍රම, අත හැරුණු පොල් වගාව සහ දේශගුණික විපර්යාස නිසා. පහුගිය දවස් වල රිලව් බැනුම් ඇහැව්වට, උන් මේක මාස තුනකට කලින් ඉඳලා පටන් ගත්තේ නෑ. අපි වගේම උනුත් කෑවා. ඒ වගේම රටේ කර්මාන්තයක් ලෙස පොල් ආශ්‍රිත නිෂ්පාදන කර්මාන්ත බිහි වෙලා තියෙනවා. ඒ අය සමහර විට අපනයන සැකසුම් වලට පොල් එකතු කරන නිසා පොල් ඉල්ලුම වැඩිවෙලා තිබෙනවා. එතකොට සැපයුම් මදි වෙන නිසා මිළ ඉහළ යනවා.

ඒ වගේ අවස්ථාවක් නම් පොල් ආනයනය කලත් කමක් නෑ. මොකද අපි අමුද්‍රව්‍යයක් ලෙස මදි පොල් ගෙන්වලා, ඒවායින් value added නිෂ්පාදනයක් කරලා අපනයනය කරනවා නම් ඒක සාමාන්‍ය වෙළෙඳපොළ ආර්ථිකයක්. ගෝලීයව එවන් කර්මාන්ත තිබෙනවා. උදාහරණයක් ලෙස අපේම තේ කර්මාන්තයත් ඒ වගේ. කෙන්යාවෙන් එන තේ අපේ සිලෝන් ටී වලට බ්ලෙන්ඩ් කරලා re-export කෙරෙනවා. ඒක සාමාන්‍ය වෙළෙඳපොළ තත්ත්වයක්. ඒ නිසා අපනයන සැකසුම් වලට පොල් ආනයනය කරන එක වගේම දේශීය පරිභෝජනයට මදි නම් පොල් ගෙන්නන එක සාමාන්‍ය දෙයක්.

රටක් තියෙන්න ඕනේ හොඳට කාලා බීලා ඉන්න. අපිට වගේම බල්ලන්ට පූසන්ට උනත්. රටේ ප්‍රශ්න අඳුරන්නේ නැතුව ඒවා විසඳන්න බෑ කියලා කයිවාරු ගහන්න බෑ. ප්‍රශ්න එන කොට කිය කිය එන්නේ නෑ. මේවා අපේ කාලේ නෙවෙයි උනේ කියන්න බෑ. බලය ගත්තේ කරන්න නම්, කට වහගෙන, ඔළුව පාත් කරගෙන වැඩේ කරන්න. ආයේ අරක බෑ මේක බෑ කිය කිය යන්න එපා. ඒ පාඩම ගෝඨාභය කියලා දුන්නා.

පැතුම් කර්නර්